Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 414 Hüküm no: 1005 Orijinal metin no: [133a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölenin satılması Sebeb-i tahrîr-i sicil budur ki Bir abd-і âbık evsatü’l-kāme, gendüm-gûn, başında sarı külâh, eğninde gök köhne Selânik avaresi ve ayağında kır aba şalvar ve papuç Malkoç yedinden karye-i İstavros câbisi Mustafa’ya teslîm olunup nafakası için yevmî ikişer akçe takdîr olunup tescîl olundu. Tahrîren fi’l-yevmi’l-âşer min şühûrі Rebi‘ilevvel sene 941. Şuhûdü’l-hâl: Dede b. Hasan ve kâtibü’l-hurûf Abdülkādir ve gayruhüm. Mezkûr mevsûf abd-i âbıkın bi hasebi’l-kānûn müddet-і örfiyyesi tamâm olup bi hasebi’l-âde bey‘ olunmasına icâzet verilip tescîl olundu. Târihü’l-mezbûr.