Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 418 Hüküm no: 1016 Orijinal metin no: [135a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edildiği Sebeb-i tahrîr-i sicil budur ki Bir evsatü’l-kāme, asferü’l-levn, açık kaşlı, eğninde kır ağrız, başına ak köhne külâh ve kara şalvar ve ayağına papuç [giyer] Rusiyyü’l-asl Yuvan nâm abd-і âbıkı İskender b. Abdullah tutup Üsküdar emîni olan Mustafa Bey’e teslîm edip merkūm abd için yevmî ikişer akçe nafaka takdîr olunup bi’t-taleb tescîl olundu. Tahrîren fî 20 min Şevvâli’l-mükerrem li sene erba‘în ve tis‘a mi’e. Şuhûdü’l-hâl: Mezkûrûn. Ve mezkûr mevsûf abd-i âbıkın sâhibi Akyazı’dan Mehmed nâm kimesne olup Sefer b. Hayreddin ve Halil ibn Hüseyin şehâdetleri [ile] zâhir ve sâbit olup ba‘de’t-tescîl sâhib[in]e teslîm olunup bi’t-taleb tescîl olundu. Tahrîren fî evâhiri Şevvâli’l-mükerrem sene 940. Şuhûdü’l-hâl: Pervâne b. Abdullah ve Hüsrev b. Yakub ve gayruhüm.