Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 418 Hüküm no: 1017 Orijinal metin no: [135a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edildiği Sebeb-i tahrîr-i sicil budur ki Karye-i İstavros câbisi olan Mustafa b. Sinan meclis-і şer‘a bir asferü’l-levn, efrakü’l-hâcibeyn, eşhelü’l-ayn, tâmmü’l-kad, başına sarı külâh ve eğnine köhne kebe ve kır aba yelekli ve ak gömlek ve ayağına çarık giyer Rusiyyü’l-asl abd-і âbık getirip Malkoç tuttu deyû yazdırıp nafakası ve hıfz için yevmî iki akçe takdîr olunup bi’t-taleb tescîl olundu. Tahrîren fî 21 Şevvâl sene 940. Şuhûdü’l-hâl: Pervâne b. Abdullah ve Dede b. Hasan. Ve mezkûr mevsûf abd-i âbıkın sâhibi kazâ-і Yoros’dan Sungur b. Ali olup İvaz b. Dâvud ve Mustafa b. Sinan şehâdetleri [ile] mezbûr Sungur’a zikr olan kul verilip teslîm olundu. Tahrîren fî 3 min Şevvâli’l-mükerrem sene 940. Şuhûdü’l-hâl: Dede b. Hasan ve Hüsrev b. Yakub ve gayruhüm.