Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 425 Hüküm no: 1035 Orijinal metin no: [137b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edildiği Sebeb-i tahrîr-i sicil budur ki Orta boylu, tavîlü’l-lihye, eğninde siyah avare, başında sarı külâh, ayağında papuç Rusiyyü’l-asl Şîrmerd nâm abd-і âbıkı Kara Nasûh tutup karye-і Kadı âmili olan Dimitri nâm âmile teslîm olunup nafakası ve sâir me’ûnetiyçin yevmî iki akçe takdîr olunup tescîl olundu. Tahrîren fî 13 min şehrі Muharremi’l-harâm sene 941. Şuhûdü’l-hâl: Bâli b. Aslıhan ve Dede b. Hasan ve gayruhüm. Mezkûr mevsûf abd-і âbıkın sâhibi [İne]göl kazâsından Ramazan b. Hacı Süleyman’ın olup mütevellî mahrûse-і İslâmbol’dan Hayreddin ve Hüseyin [b.] Murad şehâdetleri ile sâbit olup bi’t-taleb tescîl olundu. Tahrîren fî evâsıtı Muharremi’l-harâm sene 941. [Şuhûdü’l-hâl]: İskender b. Abdullah ve kâtibü’l-hurûf Abdülkādir ve gayruhüm.