Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 425 Hüküm no: 1036 Orijinal metin no: [138a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölenin müzayede ile satıldığı Sebeb-i tahrîr-i sicil budur ki Orta boylu, kızıl çuha, eğninde ve başında şebkülâh ve alaca kuşak ve âsumânî çakşır ve papuç ayağında beyaz sahîh Ferhad nâm abd-і âbıkı Hurrem Hoca tutup Üsküdar subaşısı Mustafa Bey’e teslîm olunup nafakası ve sâir me’ûnetiyçin yevmî iki akçe takdîr olunup tescîl olundu. Tahrîren fî evâsıtı Muharremi’l-harâm sene 941. Şuhûdü’l-hâl: Mahmud Çelebi b. Kara İmâm ve Ali Fakīh b. Yakub Fakīh ve Dede b. Hasan ve gayruhüm. Mezkûr mevsûf abd-і âbıkın müddet-і örfiyyesi tamâm olup bi hasebi’l-kānûn bey‘ olunmasına icâzet verilip beyne’t-tâlibîn ve’r-râgıbîn mezâd olunup Kasapoğlu Mustafa üzerinde bin altı yüz akçede karâr edip mezbûra bey‘ oldukda mâ hüve’l-vâkī‘ bi’t-taleb tescîl olundu. Şuhûdü’l-hâl: Hüsrev b. Yakub Fakīh ve Bâli b. Aslıhan ve câbi İbrahim b. Gündüz ve gayruhüm.