Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 426 Hüküm no: 1037 Orijinal metin no: [138a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölenin müzayede ile satıldığı Sebeb-i tahrîr-i sicil budur ki Tavîlü’l-kāme, gendüm-gûn, başında külâh ve eğninde âsumânî çuha ve ayağında kır aba şalvar ve papuç İskender nâm abd-і âbıkı Hurrem Bey tutup Üsküdar subaşısı Mustafa Bey’e teslîm olunup yevmî nafakası için iki akçe takdîr olunup tescîl olundu. Tahrîren fî evâsıtı Muharremi’l-harâm sene 941. Şuhûdü’l-hâl: Mezkûrûn. Mezkûr mevsûf abd-і âbıkın müddet-і örfiyyesi tamâm olup bi hasebi’l-kānûn bey‘ olunmasına icâzet verilip beyne’t-tâlibîn mezâd olunup Kasapoğlu Mustafa üzerinde bin dört yüz akçede karâr edip mezbûra bey‘ olundu öyle olsa mâ hüve’l-vâkī‘ subaşı talebiyle tescîl olundu. Şuhûdü’l-hâl: Mezkûrûn. Mezkûr mevsûf abdin harc-ı ma‘kūlü için iki yüz akçe nafaka ihrâc olunup ve doksan mîrî için ve müjdegâne elli ve sicil için yirmi bir ve hüccet için yirmi altı akçe ihrâc olunup bâkī meblağ emîn-і mezbûr Mustafa’nın zimmetinde olup tescîl olundu.