Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 96 Hüküm no: 63 Orijinal metin no: [12a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani Kutiş b. Dimitri’nin bağını Andriye b. Yorgi’ye sattığı Vech-i tezkire oldur ki karye-i Çengel’den Yani Kutiş b. Dimitri meclis-i şer‘a hâzır olup karye-i mezbûrdan Andriye b. Yorgi muvâcehesinde ikrâr-ı sahîh-i şer‘î kılıp eyitdi ki karye-i mezbûra tâbi‘ bir kıt‘a bağımı ki hudûd bir taraf Kosta bostanına ve bir taraf müşterî-i mezbûr bostanına ve bir taraf Mihal bağına ve bir taraf Mihal Reîs bağına işbu hâmilü’s-sicil Andriye b. Yorgi’ye beş yüz akçeye bey‘-i kat‘ ile bey‘ edip kabz-ı semen ve teslîm-i mebî‘ edip dedikde mukırr-ı mezbûru mukarrun lehü’l-mezkûr vicâhen ve şifâhen tasdîk edip sıhhat-i bey‘ mukarrer olup bi’t-taleb sicil olundu. Vaka‘a’t-tahrîr fi’l-yevmi’l-aşir min şehri Cemâziyelâhir li-seneti 953. Şuhûdü’l-hâl: Memi Şah b. Murad, Sinan b. Abdullah Bevvâb-ı şâhî, Yorgi b. Yani, Kara Yusuf b. Abdullah, Çırak Mahmud b. Mehmed, Ramazan b. Hüseyin, Petrova b. Nikola ve Manol b. Yani, Nikola b. Kefale, Mihal b. İstirati.