Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 96 Hüküm no: 64 Orijinal metin no: [12a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani Kutiş b. Dimitri’nin bostanını Margarika bt. Yuvan’a sattığı Vech-i tezkire oldur ki karye-i Çengel’den Yani Kutiş b. Dimitri meclis-i şer‘a hâzır olup zevcetesi Margarika bt. Yuvan muvâcehesinde ikrâr-ı sahîh-i şer‘î kılıp eyitdi ki karye-i mezbûra tâbi‘ bir kıt‘a bostanımı içinde kuyusuyla ve dolabı ile ve eşcâr-ı müsmire ve gayr-ı müsmiresiyle dört bir taraf Mihal bostanına ve bir taraf Mihal [b.] Masturi bostanına ve bir taraf Kalkancı Kosta bostanına ve bir taraf tarîk-i âm, bu hudûd ile mahdûd olan bostanı âmil Nikola b. Kefale ma‘rifetiyle işbu hâmiletü’l-hüccet Margarika bt. Yuvan’a bin akçe hakkı karâr alıp verdim dedikde mezbûre Margarika mukırr-ı mezbûru cemî‘-i ikrâr-ı meşrûhunda vicâhen ve şifâhen tasdîk edip sıhhat-i akd-i bey‘ mukarrer olup bi’t-taleb sicil olundu. Vaka‘a’t-tahrîr fî evâili Cemâziyelâhir sene 953. Şuhûdü’l-hâl: Fi’l-a‘lâ.