Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 106 Hüküm no: 99 Orijinal metin no: [16a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ödege’nin peynir satışından Yorgi’ye borçlu olduğu Vech-i tezkire oldur ki karye-i Maltepe’den Yorgi şerî‘at mahfilinde meclis-i şer‘de karye-i mezbûrdan Ödege bt. ( ) muvâcehesinde takrîr-i da‘vâ kılıp eyitdi ki seksen üç vakıyye tulum peyniri üçer akçeye verdim dedikde mezbûre Ödege kırk yedi vakıyye aldım dedikde mezbûr Yorgi’den beyyine taleb olunup âciz olup mezbûre Ödege’ye yemîn teklîf olunup [yemînden] nükûl ettikde seksen üç vakıyye hükm olunup üçer akçeden iki yüz kırk dokuz akçe üzre hükm olunup kırk akçe Halil’den? kabûl ettim deyicek mezbûre Ödege cümle yüz on akçe teslîm ettim deyû beyyine taleb olunup üç güne dek mehil verilip bi’t-taleb sicil olundu. Vaka‘a’t-tahrîr fî evâili Şa‘bân sene 953. Şuhûdü’l-hâl: Fi’l-a‘lâ.