Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 132 Hüküm no: 183 Orijinal metin no: [27a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mihal b. Yani’nin dedesinden kalan miras hissesini Rine bt. Petroz’dan istemesi Vech-i tezkire oldur ki karye-i Maltepe’den Mihal b. Yani ve Rine bt. Petroz meclis-i şer‘a hâzırân olduklarında mezbûr Mihal takrîr-i da‘vâ kılıp eyitdi ki benim anam babası Petroz’dan irs-i şer‘îyle intikāl eden hisse-i şer‘iyyesin almamışdır, hâliyâ taleb ederim dedikde mezbûre Rine cevâb verip inkâr edip gıbbe’l-inkâr beyyine taleb olunup Manol b. Plakide ve Dimitri b. Kosta biz şâhidleriz ve şehâdet ederiz Petroz mürd olup Margarika bt. Petroz’a intikāl eden hisse-i şer‘iyyesi fevt olan Manol b. Petroz zimmetinde kaldı hâliyâ anası fevt olup hisse-i şer‘iyye ile mezbûr Mihal’e intikāl etmiştir deyû şehâdet-i şer‘iyye ettiklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâsıtı Zilka‘de sene 953. Şuhûdü’l-hâl: Çırak Mahmud b. Mehmed, Hasan b. Abdullah, Ahmed b. Abdullah, Dimitri b. Tıranoz, Kosta b. Simoz, Petro b. Yani, Yani b. Tıranoz.