Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 132 Hüküm no: 184 Orijinal metin no: [27a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Tomay bt. Dimo’nun eski eşinden çocuğuna kalan mirasın çocuğunun ölmesiyle kendisine kaldığı Vech-i tezkire oldur ki Karye-i Akkilise’den Tomay bt. Dimo ikrâr ve i‘tirâf [edip] eyitdi ki karye-i mezbûrdan Todora b. Yorgi sâbık zevcim fevt olup evlâdıma vasiyy-i muhtâr olup bin dokuz yüz akçe kabz edip ba‘dehu evlâdım fevt olup gayrı vâris olmadığı ecilden bana intikāl edip hâliyâ bana meblağ-ı merkūmu aldım kabûl ve kabz ettim deyû ikrâr Todora-i mezbûr vicâhen ve şifâhen tasdîk edip sıhhat-i ikrâr mukarrer olup mezbûr Todora zimmetinde bâkī olmadığı ecilden bi’t-taleb sicil olundu. Vaka‘a’t-tahrîr fî evâsıtı Zilka‘de sene 953. Şuhûdü’l-hâl: [Mahm]ud b. [Meh]med, Hasan b. Abd[ullah], Yorgi b. Elyo, Markova b. Kosta, Nikola b. Kefale Yorgi.