Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 133 Hüküm no: 186 Orijinal metin no: [27b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani b. Kiti’nin Todora b. Yorgi’nin duvarını yıkması Vech-i tahrîr-i sicil budur ki Karye-i Akkilise’den Todora b. Yorgi ve Yani b. Minho meclis-i şer‘a hâzırân olduklarında mezbûr Todora takrîr-i da‘vâ kılıp eyitdi ki benim haberim yok iken damım önünde kuru taş ile binâ olunmuş duvarım bozup harâb etmiştir dedikde mezbûr Yani inkâr edip gıbbe’l-inkâr beyyine taleb olunup Kiti b. Kosta ve Nikola b. Yani hâzırân olup biz şâhidleriz ve şehâdet ederiz işbu Yani el-mezbûr mezkûr Todora’nın kuru taş ile binâ olunmuş duvarın bozup harâb etti deyû şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâsıtı Zilka‘de sene 953. Şuhûdü’l-hâl: Fi’l-a‘lâ.