Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 145 Hüküm no: 227 Orijinal metin no: [33a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yetim Simone ve Rine’ye anneanneleri Marola bt. Yani’nin vasî tayin edildiği Vech-i tahrîr-i sicil budur ki Karye-i Kadı’dan Rine bt. Dimitri mürd olup evlâdından Simone ve Rine nâm yetîmlerine kıbel-i şer‘den Hamza b. Hızır vasî nasb olunup ba‘dehu ümmü’l-ümm olan Marola bt. Yani, ben vasî olurun ve hem yetîmlere ben andan ehakkın deyû ve ehl-i karyelerden suâl olunup, mezbûr Hamza şirret ve şekāvet ile ma‘rûf kimesnedir, mezbûre Marola ehakdır ve yetîmlere enfa‘dır dediklerinde mezbûr Hamza ihrâc olunup mezbûre Marola vasî nasb olunup ve zararına Yorgi b. Manol ve Toma b. Yani kefîller olup [bi’t-]taleb sicil olundu. Vaka‘a’t-tahrîr fî evâhiri Zilhicce sene 953. Şuhûdü’l-hâl: Ramazan b. Hüseyin, Hasan b. Abdullah, Sinan Bey b. Abdullah, Ali b. Mehmed, Şaban b. Mustafa.