Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 168 Hüküm no: 287 Orijinal metin no: [42b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fotinoz b. Yani’nin ortağı Yorgi b. Todora’dan payını istemesi Vech-i tezkire oldur ki Karye-i Maltepe’ye sâbıkan âmil olan Fotinoz b. Yani nâm kimesne karye-i Kartal’dan Yorgi b. Todora ile meclis-i şer‘a hâzırân olduklarında mezbûr Fotinoz takrîr-i da‘vâ kılıp eyitdi ki, sâbıkan karye-i mezbûre ortakçılarından idik, bir yıllık hâsıl sende bâkīdir hâliyâ taleb ederim dedikde mezbûr Yorgi inkâr edip gıbbe’l-inkâr mezbûr Fotinoz’dan sıdk-ı makāline muvâfık beyyine taleb olunup Ankifor b. Kiryaki ve Firetoz b. Yani nâm zimmîler biz şâhidleriz ve şehâdet ederiz sâbık mezbûr Yorgi ortakçı idi karye-i Akkilise’de hakkından gelmeyip âhara verdiler deyû şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâsıtı Rebî‘ayn sene 954. Şuhûdü’l-hâl: Hasan b. Abdullah, Ramazan b. Hüseyin, Yani b. Tıranoz, Kosta b. Dimitri ve gayruhüm.