Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 171 Hüküm no: 295 Orijinal metin no: [43b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Kosta Bıçakçı’nın borcunu ödeyen kefilinin alacağını vasîden istemesi Vech-i tahrîr-i sicil budur ki Karye-i Akkilise’den Nikola b. Yani Kaçol ve karye-i Maltepe’den mürd olan __? Lavod Kosta Bıçakçı nâm zimmîde Eymir b. Mustafa, bin yüz akçesi olup mürd olup zimmetinde kaldı ben mala kefîl oldum emr ile kefîl, ben edâ ettim hâliyâ taleb, mezbûr Kosta’nın eytâmına kıbel-i şer‘den vasî ta‘yîn olunan Manol b. Yani mahzarında takrîr-i da‘vâ kılıp eyitdi ki, meblağ-ı merkūmu taleb ederim dedikde mezbûr Manol inkâr edip gıbbe’l-inkâr mezbûr Nikola’dan da‘vâsına muvâfık beyyine taleb olunup karye-i Maltepe’den Yorgi b. Simoz ve Viratoz b. Yani, biz şâhidleriz ve şehâdet ederiz müteveffâ mürd olan Kosta bıçakçı nâm zimmînin Çebnioğlu Eymir b. Mustafa’nın bin yüz akçesine emr ile işbu Nikola kefîl bi’l-mâl olup ba‘dehu kefâlet edâ etti dediklerinde ba‘de’t-tezkiyye şehâdetleri hayyiz-i kabûlde vâki‘ olup meblağ-ı merkūm bin yüz akçe mezbûr Nikola’ya müteveffânın metrûkâtından hükm olundu, bi’t-taleb sicil olundu. Vaka‘a’t-tahrîr fî evâhiri Rebî‘ilâhir sene 954. Şuhûdü’l-hâl: İstemad b. Manol b. Kosta b. Manol Simoz, Dimitri b. Yani, İstemad b. İlya, Yani b. Nikola, Papa Yorgi b. Plakide, Kosta b. Simoz.