Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 175 Hüküm no: 306 Orijinal metin no: [45a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kartal âmili Dimitri b. Yorgi’nin câbi Eynehan b. Osman’a vakıf parasını havale ettiği Vech-i tahrîr-i sicil budur ki Karye-i Kartal’a hâliyâ câbi olan Eynehan b. Osman meclis-i şer‘de karye-i mezbûra hâliyâ âmil olan Dimitri b. Yorgi muvâcehesinde sâbık bana A‘rec Manol b. Yorgi Solak’dan iki bin akçe havâle edip dedikde mezbûr Dimitri ikrâr edip mezkûr Manol’den iki bin akçe havâle ettim mâl-ı vakıfdan idi sana havâle olundu dedikde mezbûr câbi vicâhen ve şifâhen tasdîk edip bi’t-taleb sicil olundu. Vaka‘a’t-tahrîr fî evâili Cemâziyelevvel sene 954. Şuhûdü’l-hâl: Hüseyin Bey b. Abdullah, Hamza b. Abdullah, Mevlânâ Muhyiddin Halîfe b. Dâvud el-Hatîb, Kara Yusuf b. Abdullah, Ramazan b. Hüseyin, Kara Yusuf b. Abdullah, Nasûh b. Abdi, Halil b. Karabey.