Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 413 Hüküm no: 464 Orijinal metin no: [63a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Abdullah’ın geçinemediği kocası Ali Beşe b. Ca‘fer’den boşandığı Mahmiye-i İstanbul’da Tûtî Latif Mahallesiʼnde sâkine olup zâtı ta‘rîf-i şer‘î ile mu‘arrefe olan Fâtıma bt. Abdullah nâm hatun meclis-i şer‘-i şerîf-i enverde zevc-i dâhili işbu râfi‘u’l-kitâb Ali Beşe b. Ca‘fer nâm kimesne mahzarında ikrâr-ı tâm ve takrîr-i kelâm edip zevcim mezbûr Ali Beşe ile beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh olan üç bin beş yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine [63b] ve meûnet-i süknâm dahi kendi üzerime olmak üzere mezbûr Ali Beşe ile hul‘ olduğumda ol dahi minvâl-i muharrer üzere hul‘-ı mezbûru kabûl eylediğinden sonra hukūk-ı zevciyete müte‘allika âmme-i de‘âvî ve mutâlebât ve kâffe-i eymân ve muhâsamâtdan birbirimizin zimmetini ibrâ-i âmm-ı kātı‘u’n-nizâ‘la ibrâ ve iskāt eyledik fîmâ-ba‘d birbirimiz ile kat‘â da‘vâ ve nizâ‘ımız kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 10 min-Recebi’l-mübârek sene 1121 Şuhûdü’l-hâl: Mustafa Çelebi b. Şa‘ban, Ahmed Çavuş b. Ömer, Osman b. Mustafa, Ali Beşe b. Abdullah, Abdullah b. Mustafa, Çalık Mehmed b. Ahmed.