Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 176 Hüküm no: 309 Orijinal metin no: [45b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy mukâtaasının Nikola b. Kefale’ye devredildiği Vech-i tahrîr-i sicil budur ki Merhûm ve mağfûrun-leh Hoca Fazlullah zâviyesine hâliyâ Berât-ı hümâyun ile hâliyâ mütevellî olan -fahrü’l-emâsîl ve’l-akrân- Şah Çelebi b. Seydî Çelebi meclis-i şer‘de zâviye-i mezbûr Çengel nâm karyeyi Dimitri b. Buber nâm zımmîye sene selâse ve hamsîne ve tis‘a mi’e Zilka‘desin gurresinde iki seneyi elli beş bin yedi yüz altmış altı akçeye mukāta‘aya vermiş idim. Hâliyâ sâbık âmil olan Nikola b. Kefale dahi sene-i mezbûru yüz akçe ziyâde edip cem‘an elli beş bin sekiz yüz altmış altı akçeye kabûl ve iltizâm edip ve her üç ayda bir yevmü’l-kıst vermeğe mültezim olup zarar-ı malına Kaymakçı Todora b. Kököç Yani ve Nikola b. Hristori nâm zimmîler kefîl olmuş olup bi’t-taleb sicil olundu. Vaka‘a’t-tahrîr fî evâili Cemâziyelevvel sene 954. Şuhûdü’l-hâl: Kara Yusuf b. Abdullah, Memi Çelebi b. Murad, Turgud b. Hızır, Yorgi b. Yani, Matyoz b. İstefan ve gayruhüm.