Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 177 Hüküm no: 311 Orijinal metin no: [46a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şeyh Mehmed b. Nefes’in Ahmed b. Süleyman’ı dövmesi Vech-i tahrîr-i sicil budur ki Şeyh Mehmed b. Nefes nâm mu‘allim ve Ahmed b. Süleyman meclis-i şer‘a hâzırân olduklarında mezbûr Ahmed takrîr-i da‘vâ kılıp eyitdi ki merhûm Selman Ağa mescidinde merhûm Kemal vaz‘ ettiği kürsüye çıkıp Kelâm-ı Kadîm’den bir aşır Kur’ân okumak istediğimde beni darb edip indirdi darb etti dedikde mezbûr Şeyh Mehmed’den suâl olunıcak sâbık sen benim şâkirdim idin ben dahi okumak istedim benden tekaddüm ettin ben dahi seni indirdim amma darb etmedim deyicek mezbûr Ahmed’den darb ettiğine beyyine taleb olunup âciz olundukda mezbûr Şeyh Mehmed’e yemîn teklîf olundukda yemînden nükûl edip bi’t-taleb sicil olundu. Vaka‘a’t-tahrîr fî evâhiri Cemâziyelevvel sene 954. Şuhûdü’l-hâl: Mustafa b. İbrahim ve Hasan b. Abdullah, Mustafa b. Mehmed ve gayruhüm.