Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 186 Hüküm no: 340 Orijinal metin no: [49b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Çelebi b. Hızır’ın bağını Sinan Bey’e sattığı Vech-i tahrîr-i sicil budur ki Mustafa Çelebi b. Hızır şerî‘at mahfilinde Sinan Bey b. Abdullah muvâcehesinde ikrâr ve i‘tirâf edip eyitdi ki, karye-i mezbûrdan bir kıt‘a bağ ki hudûd bir taraf Makriyani bağına ve bir taraf Kosta Yehûd bağına ve bir taraf Laskari bağına ve bir taraf Pîrî bağına ve bir taraf Tıranoz bağına muttasıl olan bağımı işbu sâhibü’s-sicil Sinan Bey b. Abdullah’a beş yüz akçe bey‘ ettim kabz-ı semen ve teslîm-i mebî‘ ettim dedikde mezbûr Sinan Bey vicâhen tasdîk edip sıhhat-i akd-i bey‘ mukarrer olup bi’t-taleb sicil olundu. Vaka‘a’t-tahrîr fî evâsıtı Cemâziyelâhir sene 954. Şuhûdü’l-hâl: Hamza b. Hızır, Ahmed b. Nebi, Ramazan b. Hüseyin, Mustafa b. Mehmed, Hasan b. Abdullah, Ali b. Mehmed ve gayruhüm.