Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 191 Hüküm no: 358 Orijinal metin no: [51a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çavuş Hayreddin b. Mustafa Bey’in tarla hissesini Ramazan b. Durmuş’a sattığı Vech-i tahrîr sicil budur ki Fahrü’l-emâsîl ve’l-akrân çavuş Hayreddin b. Mustafa Bey meclis-i şer‘a gelip ikrâr ve i‘tirâf edip dedi ki bir kıt‘a yer ki hudûd kıbleten tepe üstünde olan sınır yolu sıra ve şarken ve şimâlen tarîk-i âma ve garben Kasım Bey mülküne muttasıl olan tarlada olan hakkımı işbu sâhibü’s-sicil Ramazan b. Durmuş[’a] yedi yüz akçeye bey‘ edip kabz-ı semen ve teslîm-i mebî‘ ettim dedikde mukırr-ı mezkûrun ikrâr[ını] mezbûr Ramazan vicâhen ve şifâhen tasdîk edip sıhhat-i ikrâr mukarrer olup bi’t-taleb kayd-ı defter olundu. Vaka‘a’t-tahrîr fî evâili Recebi’l-mürecceb sene 954. Şuhûdü’l-hâl: Eynehan b. Osman, Hızır b. Ahmed, Pîr Ali b. Hamza, Hasan Halîfe b. Süleyman, Sofu Yusuf b. Hamza ve gayruhüm.