Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 191 Hüküm no: 359 Orijinal metin no: [51b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaba Manol b. İstemad’ın bağını Nikola b. Petroz’a sattığı Vech-i tahrîr-i sicil budur ki Karye-i İstavros’dan Kaba Manol b. İstemad şerî‘at mahfilinde karye-i mezbûrdan Nikola b. Petroz nâm zimmî muvâcehesinde ikrâr ve i‘tirâf edip dedi ki karye-i mezbûr zahrında vâki‘ olan bağımı hudûd bir taraf Matara İstemad bağına ve bir taraf Dimitri bağına ve bir taraf Kosta bağına ve bir taraf Hüseyin bostanına muttasıl olan mülk-i meşrûh bağımı işbu sâhibü’s-sicil Nikola b. Petroz’a iki bin beş yüz akçeye bey‘-i kat‘la bey‘ ettim kabz-ı semen ve teslîm-i mebî‘ ettim dedikde mezbûr müşterî Nikola vicâhen tasdîk ettikden sonra sıhhat-i akd-i bey‘a hükm olundu ki bi’t-taleb sicil olundu. Vaka‘a’t-tahrîr fî evâili Receb sene 954. Şuhûdü’l-hâl: [Ah]med Çelebi b. Hasan, kasab Karaca b. Sarıca, İlyas Bâli b. Hacı Hüseyin, Hamza b. Hızır, Hasan b. Hızır.