Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 192 Hüküm no: 362 Orijinal metin no: [52a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy âmilinin araziyi Yorgi b. Andriye’ye tapuya verdiği Vech-i tahrîr-i sicil budur ki Karye-i Çengel’de âmil olan Nikola b. Kefale şerî‘at mahfilinde Yorgi b. Andriye muvâcehesinde ikrâr ve i‘tirâf edip eyitdi ki karye-i mezbûrede bir kıt‘a yer hâlî ve mu‘attal olup kānûn üzre tapuya müstahak olup zikr olunan yerin hudûd bir taraf Dolabçı Mihal ve bir taraf Kakazinos ve bir taraf tarîk-i âm [ve bir tuaf] bir incir ağacı ile muttasıldır. İşbu sâhib[ü’s-sicil] Yorgi b. Andriye kırk akçe resm-i tapusun aldım kabûl ve kabz ettim vakıf için dedikde mezbûr Yorgi vicâhen ve şifâhen tasdîk edip sıhhat-i akd-i tapu mukarrer olup bi’t-taleb sicil olundu. Vaka‘a’t-tahrîr fî evâsıtı Recebi’l-mürecceb sene 954. Şuhûdü’l-hâl: Hayrân Abdi b. Hasan, Burhan b. Hasan, Ramazan b. Hüseyin, Dimitri b. Buber, Gore b. Yani.