Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 197 Hüküm no: 376 Orijinal metin no: [54a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hoca Fazlullah Vakfı arazisinin Mihal b. Nikola’ya tapuya verildiği Vech-i tahrîr-i sicil budur ki Merhûm Hoca Fazlullah evkāfına bi’l-fi‘l mütevellî olan Şah Çelebi b. Seydî Çelebi şerî‘at mahfilinde karye-i mezbûrdan Mihal b. Nikola muvâcehesinde takrîr-i kelâm kılıp eyitdi ki karye-i mezbûr yerlerinden deryâ kenarında bir kıt‘a hâlî yeri hudûd bir taraf tarîk-i âm ve bir cânibi müşteriyyü’l-mezbûr evine ve bir taraf deryâ ve bir taraf hâlî yer işbu hudûd ile mahdûd olan yeri işbu sâhibü’s-sicil Mihal b. Nikola nâm zimmî[ye] yüz akçe resm-i tapuya verip vakfa enfa‘ olunduğu ecilden mezbûr Mihal vicâhen tasdîk edip bi’t-taleb sicil olundu. Vaka‘a’t-tahrîr fî evâhiri Receb sene 954. Şuhûdü’l-hâl: Fi’l-a‘lâ.