Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 214 Hüküm no: 429 Orijinal metin no: [60b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bostanını satan Duka b. Yorgi’nin vergisini ödemesi Vech-i tahrîr-i sicil budur ki Karye-i Kadı’ya hâliyâ âmil olan Mustafa b. Hızır meclis-i şer‘a hâzır olup eyitdi ki karye-i mezbûrdan Duka b. Yorgi muvâcehesinde takrîr-i kelâm kılıp eyitdi ki sen bir kıt‘a bostan yerini yedi yüz akçeye bey‘ etmişsin resmi taleb ederim dedikde mezbûr Duka dedi ki sâbıkan bostan yerin yedi yüz akçeye bey‘ ettim deyû ikrâr ettikden sonra resm yetmiş akçe mezkûr Mustafa’ya hükm olundu. Vaka‘a’t-tahrîr fî evâili Zilhicce sene 954. Şuhûdü’l-hâl: Mustafa b. Mehmed, Hasan b. Abdullah, Hasan b. Abdullah.