Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 214 Hüküm no: 430 Orijinal metin no: [61a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sinadonos b. Manol ile Ali b. Abdullah’ın bostan parası borcundan sulh olduklarının tespiti Vech-i tahrîr-i sicil budur ki Karye-i Kadı’dan Ali b. Abdullah ve Sinadonos b. Manol meclis-i şer‘a hâzırân olduklarında mezbûr Sinadonos takrîr-i da‘vâ kılıp eyitdi ki, sende benim seksen akçe bostan akçesinden vardır deyû taleb edip mezbûr cevâb verip dedi ki vâki‘â seksen akçe deynim var idi metrepolid önünde bir altına ibrâ ve iskāt ettim zikr olunan altını verdim, ziyâde deynim yoktur deyicek mezbûr Sinadonos sulhu inkâr edip gıbbe’l-inkâr Aleksi b. Karaoğlan ve Dimitri b. Yorgi şehâdet edip fi’l-vâki‘ sulh ettiler dedikde ba‘de’t-tezkiyye hayyiz-i kabûlde vâki‘ olup sıhhat-i sulh mukarrer olup hükm olundu. Sene 954. Şuhûdü’l-hâl: Mustafa b. Mehmed, Mustafa b. Hızır, Dimitri b. Todora ve gayruhüm.