Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 214 Hüküm no: 431 Orijinal metin no: [61a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hoca Fazlullah Vakfı’na ait yerin Yani b. Gore’ye tapuya verildiği Vech-i tahrîr-i sicil budur ki Merhûm Hoca Fazlullah zâviyesine hâliyâ câbi olan Ramazan b. Hüseyin şer‘-i şerîf meclisine hâzır olup eyitdi ki câbisi olduğum zâviye evkāfından karyeti Çengel yerlerinden deryâ kenarında bir kıt‘a yer hâlî ve mu‘attal olup hudûd, bir cânibi tarîk-i âma ve garben Dolabçı Mihal yerine ve bir cânibi deryâya ve bir cânibi arz-ı hâlî yerdir tahmînen arzen bennâ zirâ‘ıyla on sekiz zirâ‘ ve tûlen kezâlik bu cümle hudûd [ile] zikr olunan yeri işbu sâhibü’s-sicil Yani b. Gore’nin altmış akçe resm-i tapusun alıp vakıf için kabz ve kabûl etdim dedikde bi’l-mukābele mezkûr Yani vicâhen tasdîk edip sıhhat-i akd-i tapu mukarrer olup bi’t-taleb sicil olundu. Vaka‘a’t-tahrîr fî evâsıtı Zilhicce sene 954. Şuhûdü’l-hâl: Mustafa b. Mehmed ve kâtibü’l-hurûf Beşir b. Hüsam, Kosta b. Markova, Dimitri b. Kosta, Nikola b. Dimitri, Gore b. Yani, Manol b. Papa Yani.