Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 230 Hüküm no: 478 Orijinal metin no: [66a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eksavarine bt. Tıranoz’un borcu için bağını istiğlal yolu ile sattığı Vech-i tahrîr-i sicil budur ki Karye-i Kadı’dan Eksavarine bt. Tıranoz meclis-i şer‘a hâzıre olup Mehmed Bey b. Abdullah muvâcehesinde ikrâr ve i‘tirâf edip eyitdi ki bin iki yüz elli akçe deynim vardır elân benimdir, karye-i mezbûra tâbi‘ bir kıt‘a bağı ki hudûd bir cânibi Kosta ve bir cânibi Yani Öksüz bir cânibi Divali ve bir cânibi Dolabçı Todora tarlasına [bu hudûd ile] zikr olan bağı zikr olan akçe için istiğlâl tarîk-i üzre bey‘ ettim deyip mezkûr Mehmed Bey tasdîk edip bi’t-taleb [sicil] olundu. Vaka‘a’t-tahrîr fî evâhiri Safer sene 955. Şuhûdü’l-hâl: Çırak Mahmud b. Mehmed, Mehmed b. Seyyid Ali, Süleyman b. Mahmud, Mustafa b. Mehmed, Duka b. Kethüdâ, Koçi b. Solak.