Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 230 Hüküm no: 479 Orijinal metin no: [66a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Nikola’nın müslümanlığına hükmolunması Vech-i tahrîr-i sicil budur ki Hüseyin b. Koman meclis-i şer‘a hâzır olup eyitdi ki Kosta b. Nikola nâm zimmî muvâcehesinde takrîr-i kelâm kılıp eyitdi ki, ben İslâm’a geldim kelîme-i şehâdet edip eyitdi ki Eşhedü en lâ ilâhe illallah ve eşhedü enne Muhammeden abduhû ve Resûluh deyip bâtıl dinden döndüm hak dine girdim dedi dedikde mezbûr Kosta inkâr edip gıbbe’l-inkâr ve diğer Hüseyin b. Hızır ve Yusuf b. Abdullah nâm kimesneler zikr olunan vech üzre şehâdet-i şer‘iyye edâ ettiklerinde ba‘de’t-tezkiyyeti’ş-şer‘î ve’t-tahlîfi’l-âdî şehâdetleri hayyiz-i kabûlde vâki‘ olup İslâmına hükm olundu. Vaka‘a’t-tahrîr fî evâhiri Saferi’l-muzaffer sene 955. Şuhûdü’l-hâl: Ahmed Çelebi b. Hasan, Rüstem Çelebi b. Mahmud, Hacı Pehlivan b. Âhî, Mustafa b. Hasan, Celeb b. Hasan, Hasan b. Abdullah el-Muhzır, Hüseyin b. Ali er-Râcil, Mehmed b. Dâvud.