Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 231 Hüküm no: 481 Orijinal metin no: [66b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kadıköy câbisinin bir araziyi Manol b. Yani’ye tapuya verdiği Vech-i tahrîr-i sicil budur ki Karye-i Kadı’ya hâliyâ nasb-ı Pâdişâhî ile câbi olan Şaban b. Mehmed eş-Şirvânî meclis-i şer‘a hâzır olup eyitdi ki esirî Manol b. Yani muvâcehesinde ikrâr ve i‘tirâf edip karye-i Kadı yerlerinden Kosta bostanı kurbunda deryâ kenarında bir kıt‘a yer ki tûlen on zirâ‘ ve tûlen kezâlik bir taraf tarîk-i âm ve bir taraf deryâ ile mahdûd olan yeri işbu sâhibü’s-sicil Manol b. Yani’ye otuz akçe resm-i tapusun aldım verdim dedikde mezbûr Manol vicâhen ve şifâhen tasdîk edip sıhhat-i tapu mukarrer olup hükm olundu. Vaka‘a’t-tahrîr fî evâhiri Cemâziyelevvel sene 955. Şuhûdü’l-hâl: Ramazan b. Hüseyin, Ahmed b. Nebi, Papa Kosta b. Petrik, Duka b. Yorgi, Manol b. Tıranoz.