Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 231 Hüküm no: 482 Orijinal metin no: [66b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kanuna aykırı hareket eden Duka’nın tazîr olunması Vech-i tahrîr-i sicil budur ki Karye-i Çengel’e varılıp Duka nâm levend karye-i meclis-i şer‘a nice vechile tahfîf ve te‘addî edip ve âmile dahi bre boğazından asıp (__?) deyip mezbûr[a] kethüdâ olan Kosta b. Markova ve Papaz ve Dimitri b. Buber bu kişiden yarar kefîl taleb edip ve cemî‘ ahâlî-i karye dahi şekv[â] edip kefîl vermezin dediği ecilden ta‘zîr olunup karye-i mezbûr câbisi talebi ile sicil olundu. Vaka‘a’t-tahrîr fî evâhiri Cumâdeyn sene 955. Şuhûdü’l-hâl: Karaca b. Yusuf, Hasan b. Abdullah el-Muhzır, Dimitri b. Kosta ve gayruhüm.