Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 233 Hüküm no: 485 Orijinal metin no: [67a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar’a gizli şarap getirenlerin gümrüğe götürülmesi Sûret-i mektûb-i Ali Vech-i tahrîr-i hurûf oldur ki Üsküdar nâhiyesinde vâki‘ olan karyeler keferesi âhar yerlerden hafiyyeten hamr getirip evlerine çıkarıp gümrüğün edâ etmeyip envâ‘-i hıyânet edip mâl-ı pâdişâhı bel‘ ü ketm ettikleri istimâ‘ olunmağın işbu hâmil-i varaka Ali nâm kimesneye zikr olunan kurâları görüp gözetip gümrükten firârları hafiyyeten hamr çıkarıp zimmîleri tutup gümrükhâneye götürmek için bu vesîka mezbûr Ali yedine vaz‘ olundum. Mezbûr dahi varıp zikr olunan kurâlarda hafiyyeten hamr çıkaran zimmîleri bulup kemâl-i istikāmet etmeğe mültezim olduğu bâ‘isden bu hakīr cânibinden ol cânibleri güzeşt ettikde kimesne mâni‘ ve müzâhim olmaya Tahrîren fî 21 Şa‘bâni’l-mu‘azzam sene 955. Hurrire el-hakīr Hüseyin Emîn-i mukāta‘a-i hamr.