Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 237 Hüküm no: 496 Orijinal metin no: [68b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola b. Yani Lavod’un bostanını oğlu Manol’e sattığı Vech-i tezkire oldur ki karye-i Çengel’den Nikola b. Yani Lavod ve oğlu Manol b. Nikola meclis-i şer‘a hâzırân olduklarında mezbûr Nikola bi’t-tav‘ ve’r-rızâ ikrâr edip eyitdi ki karye-i mezbûra tâbi‘ bir kıt‘a bostan yerini hudûd bir taraf Dimitri b. Kosta bostanı ve bir taraf tarîk-i âm ve bir taraf Yani b. Masturi bostanına ve bir taraf Mihal b. Masturi bostanı ile ve içinde iki su kuyusuyla ve bir dolabı ile ve eşcâr-ı müsmire ve gayr-ı müsmiresiyle işbu hâmil-i sicil Manol b. Nikola’ya üç bin iki yüz akçeye bey‘ edip kabz-ı semen ve teslîm-i mebî‘ ettim dedikde mukırr-ı mezbûru mukarrun lehü’l-mezkûr Manol vicâhen ve şifâhen tasdîk edip sıhhat-i bey‘a hükm olundu bi’t-taleb sicil olundu. Vaka‘a’t-tahrîr fî evâili Rebî‘ilevvel sene 953. Şuhûdü’l-hâl: Fi’l-a‘lâ.