Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 243 Hüküm no: 512 Orijinal metin no: [70b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hoca Fazlullah Zâviyesi’ne bağlı Derecik ceviz ağacını bir yeniçerinin kesip Gorina bt. Tıranoz’a verdiği Vech-i tahrîr-i sicil budur ki Merhûm Hoca Fazlullah nefs-i Gekvize’de binâ ettiği imâr[ete] hâliyâ berât-ı hümâyûn ile mütevellî olan Şah Çelebi b. Seydî Çelebi meclis-i şer‘a hâzır olup eyitdi ki, zâviye-i mezbûr evkāfından karyeti Çengel’den Gorina bt. Tıranoz muvâcehesinde dedi ki karye-i mezbûrda defter-i hâkānîde hâssa kayd olunan Derecik kozunu sen kesip zabt etmişsin dedikde mezbûre Gorina bi’t-tav‘ ve’r-rızâ ikrâr edip mezkûr Derecik kozunu bir Yeniçeri kesip ben dahi aldım eve getirdim deyû ikrâr edip ve mezkûr Derecik kozu dahi hâssa idiğin bilirim deyû ikrâr edip bi’t-taleb sicil olundu. Vaka‘a’t-tahrîr fî evâili Cemâziyel[evvel] sene 953. Şuhûdü’l-hâl: Kara Yusuf b. Abdullah, Ahmed Çelebi b. Mustafa, Kosta b. Markova, Dimitri b. Buber, Todora b. Yani, Manol b. Yani.