Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 245 Hüküm no: 518 Orijinal metin no: [71a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Haydar b. Abdullah’ın Yani b. Todora’ya borcunu ödediği Vech-i tezkire oldur ki Mahrûse-i Galata’dan Haydar b. Abdullah ve karye-i Kadı’dan Yani b. Todora meclis-i şer‘a hâzırân olduklarında mezbûr Yani takrîr-i da‘vâ kılıp eyitdi ki sene isnâ ve hamsîne ve tis‘a mi’e yılında bostan öşründen öşr-i piyazdan bâkī beş altın kaldı taleb ederim dedikde mezbûr Haydar sâbıkan yel değirmeni yanında sana teslîm ettim dedikde mezbûr Yani inkâr edip gıbbe’l-inkâr mezbûr Haydar’dan beyyine taleb olunup Hamza b. Hızır ve Duka b. Yorgi biz hâzır idik, mezkûr Haydar mezbûr Yani’ye beş aded tamâmü’l-vezn altını zikr olunan yerde teslîm etti deyû şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâsıtı Cemâziyelevvel sene 953. Şuhûdü’l-hâl: Mevlânâ Abdurrahman b. Sinan, Mehmed Bey b. Abdullah, Hayrân Abdi b. Hasan, Bayezid b. Hüseyin.