Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 245 Hüküm no: 519 Orijinal metin no: [71b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İskender Paşa Vakfı’na bağlı bostanın Ahmed b. Abdullah’ın tasarrufuna verildiği Vech-i tezkire oldur ki Merhûm İskender Paşa evkāflarından karyeti Kadı’ya tâbi‘ Kalamuç nâm mevzi‘de vâki‘ olan vakıf bostanlarının seneleri tamâm olup mütevellîsi Bâli b. Abdullah meclis-i şer‘a hâzır olup eyitdi ki Kuloğlu mutasarrıf olduğu bostanı mahrûse-i İslâmbol’dan Ahmed b. Abdullah’a her sene bin sekiz yüz akçeye üç seneyi beş bin dört yüz akçeye sene-i selâse ve hamsîne ve tis‘a mi’e Cemâziyelevvelisinin gurresinden verdim dedikde mezbûr Ahmed kabûl ettik deyû ikrârı bi’t-taleb sicil olundu. (ve zarar-ı malına Hüseyin b. Abdullah ve Duka b. Yorgi kefîl olup bi’t-taleb) Vaka‘a’t-tahrîr fî evâsıtı Cemâziyelevvel sene 953. Şuhûdü’l-hâl: Kara Yusuf b. Abdullah, Bayezid b. Hüseyin, Hasan b. Abdullah, Ramazan b. Hüseyin, Ali b. Mehmed.