Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 258 Hüküm no: 560 Orijinal metin no: [75b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Musalla sipahisinin boş araziyi Makriyani b. Kosta’ya tapuya verdiği Vech-i tahrîr-i sicil budur ki Karye-i Musallâ sipâhisi Topçu Yakub b. Abdullah cânibinden vekâleti sâbit olan Timurtaş b. Kobaldin meclis-i şer‘a hâzır olup eyitdi ki müvekkilim Yakub timarında bir kıt‘a arz-ı hâlî yer ki zirâ‘ate ve hirâsete kābil olup tapuya müstahak olmağın hudûd bir cânibi dereye ve bir cânibi Mihal bostanına ve bir cânibi tarîk-i âma ve bir cânibi müşterî tarlasına işbu hudûd ile mahdûd olan yeri işbu sâhibü’s-sicil Makriyani b. Kosta yirmi akçe resm-i tapusun alıp verdim dedikde mezbûr Yani mukırr-ı mezbûru cemî‘ ikrârında vicâhen tasdîk edip sıhhat-i akd-i tapu mukarrer olup bi’t-taleb sicil olundu. Vaka‘a’t-tahrîr fî evâili Recebi’l-mürecceb sene 955. Şuhûdü’l-hâl: Ramazan b. Hüseyin, Sinan b. Abdullah er-Râcil, Ahmed b. Mahmud ve gayruhüm.