Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 261 Hüküm no: 568 Orijinal metin no: [76b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy Vakfı’nın Çengelköy iltizâmını Gore b. Yani’ye devrettiği Vech-i tahrîr-i sicil budur ki Nefs-i Gekvize’de merhûm Fazlullah zâviyesine hâliyâ câbi olan Ramazan b. Hüseyin meclis-i şer‘a hâzır olup eyitdi ki hâliyâ [câ]bi olduğum Çengel vakıf karye sene hamse ve hamsîne ve tis‘a mi’e Muharremi’nde duhûl eden Mart ibtidâsından bir yıl tamâmına yirmi beş bin beş yüz akçeye Manol b. Yani ve Mehmed b. Hızır ve Nikola b. Dimitri zimmetlerinde idi. Hâliyâ karye-i mezbûrdan Gore b. Yani yüz akçe ziyâde edip ibtidâ-i târihden yirmi beş bin altı yüz akçeye mültezim olup ve zarar-ı malına Nikola b. Poli ve Kosta b. Markova nâm zimmîler kefîl bi’l-mâller olup kabûl edip bi’t-taleb sicil olundu. Vaka‘a’t-tahrîr fî evâsıtı Recebi’l-Mürecceb sene 955. Şuhûdü’l-hâl: Çırak Mahmud b. Mehmed, Kasım b. Abdullah er-Râcil, Seydî b. Mustafa, Yani b. Todora ve gayruhüm.