Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 262 Hüküm no: 572 Orijinal metin no: [77a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kara Lütfi b. Mehmed’in Mustafa b. Yusuf’tan çiftliği tapuya aldığı Vech-i tahrîr-i sicil budur ki Karye-i Salihli’den Kara Lütfi b. Mehmed yedinden Yoros efendisiyle Gekvize efendisine hükm-i şerîf vârid olup dürer-i bârında münderic olan oldur ki Mustalı b. Yusuf’dan on altı resmli çiftlik sipâhi ma‘rifetiyle dört yüz akçeye aldım Yusuf ve Hasan bünûn-ı Hızır nâm kimesneler biz dahi aldık deyû nizâ‘ edip tasarrufuma mâni‘ olur deyû mukayyed olup mezbûr efendiyle cem‘ olunup teftîşe şürû‘ olundukda mezbûr Yusuf ben aldım elimde hüccetim vardır mezbûr Lütfi ma‘rifetiyle sipâhisinden mukaddem oldum deyicek mezbûr Yusuf inkâr edip gıbbe’l-inkâr mezbûr Lütfi’den beyyine taleb olunup Ali b. Abdullah ve Muharrem b. Ali nâm kimesne[ler] biz şâhidleriz ve şehâdet ederiz ve mezbûr Lütfi mezbûr Yusuf’dan mukaddem alıp sipâhi ma‘rifetiyle elli akçe resm verdiğine şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâhiri Recebi’l-mürecceb sene 955. Şuhûdü’l-hâl: Mevlânâ Nebi Halîfe b. Mehmed el-Mu‘allim, Haydar b. Mehmed, ve Mustafa Çelebi b. el-Mütemekkin Yeni Hisar, Ahmed Fakīh b. Musa ve gayruhüm.