Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 263 Hüküm no: 573 Orijinal metin no: [77a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Mürüvvet ile Mustafa b. Hasan arasındaki satışın feshi Vech-i tahrîr-i sicil budur ki Karye-i Nerdübanlı’dan Hasan b. Mürüvvet ve Mustafa b. Mehmed meclis-i şer‘a hâzırân olduklarında mezbûr Hasan takrîr-i da‘vâ kılıp bir iki kıt‘a yer bey‘ ettim ma‘rifet-i sipâhi ile bey‘ etmedim ben evvel bey‘den rücû‘ ettim dedikde mezbûr Mustafa’dan suâl olundukda sen sipâhiyi bir tarîk ile bitiririm dedikde mezbûr Hasan ben demedim deyicek mezbûr Mustafa sen yemîn et ben bey‘den ferâgat ettim dedikde mezbûr Hasan’a yemîn verilip bey‘in feshine hükm olundu bi’t-taleb sicil olundu. Vaka‘a’t-tahrîr fî evâhiri Recebi’l-mürecceb sene 955. Şuhûdü’l-hâl: Mevlânâ Hasan Halîfe b. Murad el-Hatîb, Mustafa b. Mehmed, Ramazan b. Hüseyin ve gayruhüm.