Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 266 Hüküm no: 583 Orijinal metin no: [78a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy âmilinin boş araziyi Dolapçı Mihal b. Yorgi’ye tapuya verdiği Vech-i tahrîr-i sicil budur ki Karye-i Çengel’e hâliyâ âmil olan Nikola b. Poli meclis-i şer‘a hâzır olup eyitdi ki karye-i Çengel yerlerinden bir kıt‘a hâlî yeri kimesne mutasarrıf olmadığı ecilden hudûd bir cânibi tarîk-i âm ve bir cânibi Kefale bağı ve bir cânibi arz-ı hâlî yere ve bir cânibi dere ile mahdûd olan yeri işbu sâhibü’s-sicil Dolabçı Mihal b. Yorgi’ye yirmi akçeye tapuya verdim nice dile[r]se mutasarrıf olup kimesne mâni‘ ve müzâhim olmaya dedikde mukırr-ı mezbûr[u] mukarrun lehü’l-mezkûr vicâhen tasdîk edip bi’t-taleb sicil olundu. Vaka‘a’t-tahrîr fî evâili Cemâziyelâhir sene 955. Şuhûdü’l-hâl: Mahmud Çelebi b. Sinan, Ali b. Mehmed, Hasan b. Abdullah, Kara Yusuf b. Abdullah, Dimitri b. Kosta ve gayruhüm.