Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 274 Hüküm no: 609 Orijinal metin no: [80b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Ramazan b. Musa’nın kölesi Yusuf b. Abdullah’ın azat edilmesi Vech-i tahrîr-i sicil budur ki Karye-i Emirli’den merhûm Ramazan b. Musa’nın sulbî oğlu Musa ve Mustafa benân-ı Ramazan ve kızı Elif b[t.] Ramazan meclis-i şer‘a hâzırûn olduklarında kulu Yusuf b. Abdullah taleb edip mezkûr Yusuf’dan suâl olundukda beni müdebber ve mukayyed etti ölmezden evvel kırk gün âzâd olsun deyip dedikde mezbûrân Musa ve Mustafa inkâr edip gıbbe’l-inkâr mezbûr Yusuf’dan beyyine taleb olunup udûl-i müslimînden Durak b. Ali ve Haydar b. Mehmed ve Receb b. Baylı nâm kimesneler bi’l-lafz ve’l-ma‘nâ edâ-i şehâdet edip ba‘de’t-tezkiyye ve’t-tahlîfi’l-âdî hayyiz-i kabûlde vâki‘ olup mezbûr Yusuf un ıtkına hükm olunup bi’t-taleb sicil olundu. Vaka‘a’t-tahrîr fî evâhiri Şa‘bâni’l-mu‘azzam sene 955. Şuhûdü’l-hâl: İbrahim Fakīh b. Nasûh el-İmâm, Şaban Fakīh b. Musa, Nasûh b. Abdullah, Müslim b. Dâvud, Yusuf b. Ali, Hanefî b. Mehmed.