Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 73 Hüküm no: 32 Orijinal metin no: [4a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şaban b. Mehmed’in Sinadonos b. Manol’ü dövmesi Vech-i tahrîr-i sicil budur ki Karye-i Kadı’ya nasb-ı pâdişâhî ile câbi olan Şaban b. Mehmed ve karye-i mezbûrdan Sinadonos b. Manol nâm zimmî[yi] meclis-i şer‘a ihzâr edip senin da‘vâcın vardır bir mikdâr zamân te’hîr edip dedikde mezbûr Sinadonos inâd edip mezbûr câbi bir kere darb edip eliyle mezbûr Sinadonos beni darb etti taleb edip kayd-ı defter olundu. Vaka‘a’t-tahrîr fî evâhiri Zilhicce sene 955. Şuhûdü’l-hâl: Mustafa b. Mehmed, Süleyman b. Eyyûb, Mahmud b. Mehmed, Ahmed b. Nebi, Ramazan b. Hüseyin ve gayruhüm.