Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 85 Hüküm no: 70 Orijinal metin no: [8b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Puloz b. Nikola’nın Terzi Yorgi b. Nikola’yı dövdüğü Vech-i tahrîr-i sicil budur ki Karye-i Kartal’da Hayyât Yorgi b. Nikola ve Puloz b. Nikola nâm zimmîler meclis-i şer‘de hâzırân olduklarında mezbûr Yorgi takrîr-i da‘vâ kılıp dedi ki beni sokakta ağaç ile darb etti dedikde mezbûr Puloz inkâr edip gıbbe’l-inkâr beyyine taleb olunup Lazari b. Yorgi ve Sevastos b. Yani nâm zimmîler dediler ki mezbûr Puloz mezkûr Yorgi’yi ağaç ile darb-ı şedîd etti dediklerinde şâhidân-ı mezbûrânın şehâdetleri hayyiz-i kabûlde vâki‘ olup taleb ile sicil olundu. Vaka‘a’t-tahrîr fî evâsıtı Saferi’l-muzaffer sene 956. Şuhûdü’l-hâl: Süleyman b. Davud, Ramazan b. Hüseyin, Papa Yorgi b. Canoz, Yani b. Mihal, İpsara b. Manol.