Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 91 Hüküm no: 85 Orijinal metin no: [10a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âmil Fotinoz b. Yani’nin Nikola b. Yorgi ile Apostol b. Nikola’ya yer tapuladığı Vech-i tahrîr-i sicil budur ki Karye-i Maltepe’den âmil olan Fotinoz b. Yani meclis-i şer‘de karye-i mezbûrdan Nikola b. Yorgi ve Apostol b. Nikola nâm zimmîler muvâcehesinde ikrâr ve i‘tirâf edip dedi ki karye-i mezbûr yerlerinden hudûd bir [taraf] tarîk-ı âm ve bir cânibi Yalinos ve bir cânibi İstemad b. İlyas yerine ve bir cânibi Mihal Muçi bi-cümleti’l-hudûd ve kâffeti’l-hukûk arz-ı hâlî yeri tapuya müstahakdır, işbu sâhibü’s-sicil Nikola ve Apostol’a yüz akçeye tapuya verdim, semen-i merkūmu aldım, kabûl ve kabz ettim dedikde mezbûrân Nikola ve Apostal vicâhen tasdîk edip sıhhat-i akd-i tapu mukarrer olup hükm olundu. Vaka‘a’t-tahrîr fî evâili Rebî‘ayn sene 956. Şuhûdü’l-hâl: Ramazan b. Hüseyin, Kasım Bey b. Abdullah, Papa Yorgi b. Plakide, Yorgi b. Drakos, Mihal b. Manol.