Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 106 Hüküm no: 133 Orijinal metin no: [15a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Teslime ile Ünzile’nin mirastan hisselerini talep ettikleri Vech-i tahrîr-i sicil budur ki Karye-i Orhanlı’dan Mustafa b. Mahmud, İvaz b. Mahmud ve Teslime ve Ünzile benât-ı Mahmud meclis-i şer‘a hâzırûn olduklarında mezbûretân Teslime ve Ünzile takrîr-i kelâm kılıp eyitti ki atamdan ve anamdan intikāl eden hissesin taleb ederim, dedikde mezbûr Mustafa atamdan ve anamdan intikāl eden hisse ikişer yüz ellişer akçe verip bâkīsin size helâl olsun deyip deyicek mezbûretân Teslime ve Ünzile inkâr edip gıbbe’l-inkâr beyyine taleb olunup Resul b. Yusuf ve Sefer b. İbrahim nâm kimesne vech-i mezbûr üzere şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâsıtı Rebi‘ilâhir sene 956. Şuhûdü’l-hâl: Mustafa b. Kasım, İbrahim Halîfe b. Receb, Baylı Sofu b. Yusuf, Hasan b. Kulağuz