Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 106 Hüküm no: 134 Orijinal metin no: [15a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fatma bt. İbrahim’in ölmeden satın aldığı ineğin oğlu İvaz’a kaldığı Vech-i tahrîr-i sicil budur ki Karye-i Orhanlı’dan İvaz ve Mustafa büneyyân-ı Hacı Mahmud meclis-i şer‘a hâzırân olduklarında mezbûr Mustafa takrîr-i da‘vâ kılıp eyitti ki Mehmed b. Ahmed’den alınan camus ineği[ni] anam Fatma bt. İbrahim almışdır, hâliyâ anam fevt olup bize intikāl etti dedikde mezbûr İvaz’dan su’âl olundukda ana[m] bana hâl-i hayâtında benim akçem ile alıverdi, deyicek mezbûr Mustafa inkâr edip gıbbe’l-inkâr beyyine taleb olunup Aydoğdu Nasûh b. Musa ve Hasan b. Kulağuz nâm kimesneler dediler ki biz şâhidleriz ve şehâdet ederiz, anası İvaz’a alıverdi dediklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâsıtı Rebi‘ilâhir sene 956. Şuhûdü’l-hâl: İbrahim Fakīh b. Receb Fakīh el-imâm, Sefer b. İbrahim, Hasan b. Abdullah ve gayruhüm