Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 113 Hüküm no: 154 Orijinal metin no: [17a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Trandafili’nin ölen Subafiti b. Yani’nin oğlu olduğu Vech-i tahrîr-i sicil budur ki Karye-i Kadı’da mürd olan Subafiti b. Yani nâm zimmînin metrûkâtı zavâbıt-ı beytülmâl olan Hızır b. Ahmed muvâcehesinde sulbî oğlu Trandafili nâm babamdır deyicek mezbûr Hızır inkâr edip gıbbe’l-inkâr Hamza b. Abdullah ve Ahmed b. Murad nâm kimesneler biz şâhidleriz ve şehâdet ederiz mezbûr mürd-i merdûd Subafiti hâl-i hayâtında iken işbu müşârün-ileyh Trandafili sulbî oğlumdur dedi, deyû şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup bi’t-taleb kayd-ı defter olundu. Vaka‘a’t-tahrîr fî evâhiri Cemâziyelevvel sene 956. Şuhûdü’l-hâl: Hüdâverdi b. Mustafa, Hasan b. Abdullah ve gayruhüm