Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 113 Hüküm no: 155 Orijinal metin no: [17b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Andon b. Duka’nın Matyos’a tecavüzle suçlanması Vech-i tahrîr-i sicil budur ki Karye-i Kadı’dan Yani b. Todora meclis-i şer‘a gelip karye-i mezbûrdan Andon b. Duka muvâcehesinde takrîr-i da‘vâ kılıp eyitti ki benim Matyos nâm sagīr oğlum harbi tutup vat’ etti deyip mezbûr Andon’dan su’âl olunup inkâr edip gıbbe’l-inkâr beyyine taleb olunup âciz oldukda ve mezbûr sagīr oğlan beni bu etti deyip ve mezbûr Andon’a yemîn verelim deyip mezbûr Yani yemîn etmek komayıp ve karye-i mezbûr papazı biz iyidir derim ve Sinadonos ve Mihal ve Tıranoz nâm zimmîler hâzırûn olup biz bu mezbûr Andon’u iyi biliriz, iyidir deyû haber verdiklerinde, bi’t-taleb sicil olundu. Vaka‘a’t-tahrîr fî evâhiri Cemâziyelevvel sene 956. Şuhûdü’l-hâl: Hızır b. Ahmed, Hamza b. Veli, Süleyman b. Ebri, Hüseyin b. Ali, Karaca Kasab b. Saruca, Ferhad b. Abdullah (…?)