Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 114 Hüküm no: 157 Orijinal metin no: [17b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âmil Nikola b. Poli ile Gore’nin vakıf yerini Yani b. Gore’ye tapuladıkları Vech-i tahrîr-i sicil budur ki Karye-i Çengel’e hâliyâ âmil olan Nikola b. Poli ve Gore nâm âmiller meclis-i şer‘de ikrâr ve i‘tirâf edip dedi ki karye-i mezbûr yerlerinden bir kıt‘a arz-ı hâlî yer ki hudûd bir taraf Dimitri tarlasına ve bir taraf dereye ve bir cânibi büyük yerli taşa ve bir cânibi kûhî dağdır, tapuya müstahak olup işbu sâhibü’s-sicil Yani b. Gore’ye elli akçeye resm-i tapusun alıp verdim, nice dilerse mutasarrıf olup, vakfa rüsûm-ı şer‘iyye ve örfiyye[sin] sâl be sâl edâ edip kimesne mâni‘ olmaya dedikde mukırr-ı mezbûrları mezbûr Yani vicâhen tasdîk edip sıhhat-i akd-i tapu mukarrer olup bi’t-taleb tescîl olundu. Vaka‘a’t-tahrîr fî evâili Cemâziyelâhir sene 956. Şuhûdü’l-hâl: Mustafa b. Mehmed, Nikola b. Dimitri Marko, Neccâr b. Matyos, Yorgi b. Marko, Lambo b. Miken, Manol b. Nikola ve gayruhüm